بنات انا يمعت معلومات من النت شلون تعرفين اذا جنطتج اصلية ولا تقليد
اذا شريتي جنطة وتدرين انها تقليد عادي، بس فكرة الموضوع اذا تبين تشترين اصلية وماتبين الناس يقصون عليج
أنا عندي جناط أصلية وعندي تقليد والصراحة قارنتها بالمعلومات اللي عرفتها وطلع صح كلامهم، فحبيت انكم تستفيدون
اول شي معلومات لازم تعرفينها:
1. أي جنطة أصلية لما تشيلينها تكون ثقيله حتى لو فاضية تكون ثقيله بس التقليد دايما تكون خفيفه
2. مو كل ماركة لها نفس الطريقة يعني مثلا ديور اذا نزل جنطة مرات يكون معاها كرت او شغلة يعني مو كل الجناط اللي ينزلها لها كرت يعني على حسب الكولكشن اللي نازل
3. شوفي جلد الجنطة يبين اذا من النوع الزين القوى او حده كحيان تقدرين حتى تعفسينه بإيدج يعني تقليد
4.اذا الخياطة على الجنطة مو مضبوطة يعني مو متساوية وحتى الخيط ماتحسينه قوي يعني تقليد
5. أكثر الماركات لازم يحطون بالجنطة رقم (كود) اذا مالقيتيه يعني تقليد
6. اذا لون يدة الجنطة يختلف عن اللي بالمحلات المعروفة او بسايت الماركة الرسمي يعني تقليد
7. اذا شريتي البضاعة من شوارع تايلند او شارع الصيني يعني تقليد
8. كل ماركة لها خط معين تختمه بجناطها، يعني اذا شفتي الخط صاير اكبر او اصغر لا لاصق يم بعض يعني تقليد
منقوووووووووول
الجمعة أبريل 03, 2009 12:41 pm
