عدد المساهمات : 19 تاريخ التسجيل : 03/04/2009 العمر : 39
موضوع: لرائحه مميزه الجمعة أبريل 03, 2009 2:24 pm
مرحبا
الموضوع يتعلق بالعنايه بنظافه جسمج و ريحتج يعني شو الطريقه اللي تخليج تتميزين عن البقيه
انا بصراحه جربت هالطريقه و استفدت منها واايد و حبيت انكم تشاركوني فهالشي
يعني هالريحه تكون ريحتي انا خاصه فيه انا تميزني عن البقيه
نقول بسم الله و يلا نبدا
اول خطوه تسوينها طلعي كل ملابسج من الكبت و اخذيهم قطعه قطعه طبعا لازم تكونين مجهزه العطر اللي تحبين تستعملينه و مبخره عود و تاخذينهم و ترشين 2 او 3 رشات و على طوول عند المدخن و وحده ورا الثانيه و على فكره اذا الملابس مو مكويه لازم تنكوي و تنحط بطريقه مرتبه
الخطوه الثانيه : الاندر وير الملابس الداخليه
انا بصراحه قررت اخلي الاندروير شي مميز عندي لازم ريحته دائما حلوه و يكون و عشان تخلون ملابسكم الداخليه نظيفه و عطره تعرفون فوط كيرفري اشتريهن و استعمليهن يومي والله شي رووعه تحافظ عالنظافه و الريحه الطيبه و ممكن حتى تستعملين الغسول الخاص بالهمنطقه من نفس الماركه
الحين الخطوة الثالثه : وقت الشاور عادة البنت او الحرمه يوم ادش الشاور عادي تسبح بماي و صابون و تحط شاور جل و شويه كريم مرطب عقب الحمام و خلصنا و لا ننسى غسيل الشعر و هالسوالف انزين انا اكتشفت طريقه تخلي ريحتج نظافه في نظاااافه و هي كالاتي:
اولا قبل الاستحمام جهزي :
الفوطه وحده خاصة بالجسم ووحده للشعر ووحده للويه مجموعه الكريم المرطب الشاور جل العطر و زبدة الجسم و اكيد هذا كله متوفر في محلات البودي شوب و انا شخصيا انصح انكم تستعملون هالمجموعه
ترى هالمجمووعه رووووعه
الحين خلال الاستحمام ارفعي شعرج و ابدي بتنظيف جسمج و استخدمي الشاور جل الصابون الليفه لين ما تحسين نفسج تلمعين و بعدها غسلي بالمااي عادي و الخطوه اللي عقبها انج تغسلين شعرج طبعا اذا هالطريقه تتبعينها دائما مو لازم كل يوم غسيل شعر لانه ما بيطوف شهر الا وانتي صلعا
بعد ما تطلعين من الشاور حطي البدي كريم و الزبده و البدي سبرييه و كل هالاشياء اللي تعطي نعومه و نظافه و ريحه مميزه لج و لا تنسيين شي اساسي و هي البوودره ذات الرائحه الطيبه
بعدها تلبسين الاندروير المعطر و اذا كانت عندج عزيمه او شي ممكن تتبخرين من الداخل بس عالخفيف لانه ممكن يضر بالمنطقه الحساسه و بعدها تلبسين ملابسج العاديه و تكون معطره و ريحتها حلوه و بهالخطوات البسيطه تكون لك رائحتك المميزه العطره و الجميله
و حمام الهنا
Admin Admin
عدد المساهمات : 65 تاريخ التسجيل : 29/03/2009
موضوع: رد: لرائحه مميزه الجمعة أبريل 03, 2009 3:15 pm
قريت الموضوع و انا ما فهمت شي لانه موضوع للبنات .. بس اكيد البنات راح يستفيدووون منه لانه موضوع رووووعه و من عضو روووعه .. يعطيج العافيه استاذه لولوه .. و لا تبخلين علينا من مواضيعج الجميله ..<<
أستاذه لولو
عدد المساهمات : 19 تاريخ التسجيل : 03/04/2009 العمر : 39
موضوع: رد: لرائحه مميزه الجمعة أبريل 03, 2009 5:32 pm
thank u
SuPeR DUDE
عدد المساهمات : 64 تاريخ التسجيل : 30/03/2009
موضوع: رد: لرائحه مميزه الجمعة أبريل 03, 2009 5:42 pm
SweeR
عدد المساهمات : 17 تاريخ التسجيل : 31/03/2009 الموقع : Kuwait
موضوع: رد: لرائحه مميزه السبت أبريل 04, 2009 5:07 am
مو هذا قسم حواء شلون داشين عليه الشباب يعني تبون تتعلمون هالسوالف
أستاذه لولو
عدد المساهمات : 19 تاريخ التسجيل : 03/04/2009 العمر : 39
موضوع: رد: لرائحه مميزه السبت أبريل 04, 2009 7:36 am
يا الله ميخااالف مانبي نقول لقافه بنقول حب استطلاع
الجمعة أبريل 03, 2009 2:24 pm
و هي كالاتي:
